سخر الإعلامي أحمد شوبير، من إشادة بعض الإعلاميين بروابط الأولتراس، وخاصة بعد الاشتباكات الأخيرة التي نشبت بينهم وبين الأمن المغربي، على خلفية مباراة الأهلي والمغرب التطواني، قائلًا: “الأولتراس أفضل شئ في مصر، وأفضل ظاهرة فعلًا، ماهو أصل احنا بقينا في عصر النفاق، عندنا مدربين منافقين، ومجالس إدارات منافقين، وبعض الإعلاميين منافقين، ومرعوشين ومرعوبين، وفي أكتر من كده كمان”.
وأضاف “شوبير”، خلال حلقة أمس من برنامجه “مع شوبير”، المذاع عبر فضائية “صدى البلد”: “الأمن في المغرب استحمل ما لا يتحمله بشر، لكن خلاص هيعمل إيه كان لازم يشتبك، طب هنا بيقولوا ليهم تار عند الشرطة، طب هناك بقى عندكم إيه؟، إيه قلة الأدب دي؟”. وتابع: “لحد أمتى البلد هتفضل خايفة من دول، لحد أمتى مش هيقربولهم، الدولة مش قادرة تعرف مين اللي سافر علشان تمنعه من السفر تاني، اللي بيحصل ده مهزلة ولازم تنتهي”.
المصدر: كوورة بريس نشر في كوورة بريس